ຫຼວງພະບາງ ຈະເປັນເຈົ້າພາບ ຈັດການແຂ່ງຂັນກິລາ ແຫ່ງຊາດຄັ້ງທີ່ 9

ຫຼວງພະບາງ ຈະເປັນເຈົ້າພາບ ຈັດການແຂ່ງຂັນກິລາ ແຫ່ງຊາດຄັ້ງທີ່ 9

ແຂວງຫຼວງພະບາງພ້ອມແລ້ວ ທີ່ຈະເປັນເຈົ້າພາບຈັດການແຂ່ງຂັນກິລາແຫ່ງຊາດຄັ້ງທີ່ 9 ຂະນະທີ່ທີມຊາດລາວ ບໍ່ສາມາດບັນລຸເປົ້າໝາຍໃນການແຂ່ງຂັນກິລາຊີເກມຄັ້ງທີ່ 26 ທີ່ ອິນໂດເນເຊຍໄດ້.

ລາຍງານໂດຍ ບົວສະຫວັນ | ບາງກອກ

ກິລາເທັກຄວັນໂດຊາຍຂອງລາວ

 

ທາງການແຂວງຫຼວງພະບາງໄດ້ປະກາດຄວາມພ້ອມໃນທຸກໆດ້ານໃນການເປັນເຈົ້າພາບຈັດ
ການແຂ່ງຂັນກິລາແຫ່ງຊາດຄັ້ງທີ່ 9 ຢູ່ເມືອງ ມໍລະດົກໂລກ ໃນລະຫວ່າງວັນທີ່ 13-21
ທັນວານີ້. ພ້ອມກັນນີ້ທາງສະຫະພັນກິລາຊະນິດຕ່າງໆ ຂອງແຂວງຫຼວງພະບາງເອງ ກໍ່ໄດ້
ສະແດງຄວາມພ້ອມໃນທຸກໆດ້ານ ທີ່ຈະພະຍາຍາມສູ້ຊົນເພື່ອຍາດເອົາຫຼຽນຄໍາໃຫ້ໄດ້ຫຼາຍທີ່
ສຸດອີກດ້ວຍ.

ຊຶ່ງຕໍ່ກໍລະນີດັ່ງກ່າວນີ້, ທ່ານ ຟ້າສະໜັ່ນ ທໍາມະວົງສາ ປະທານສະຫະພັນດອກປິກໄກ່
ແຂວງຫຼວງພະບາງ ກໍໄດ້ສະແດງຄວາມເຊື່ອໜັ້ນວ່າ ກິລາດອກປີກໄກ່ ກໍຄືກິລາຊະນິດນຶ່ງ
ທີ່ແຂວງຫຼວງພະບາງ ມີຄວາມພ້ອມທີ່ຈະຍາດແຍ່ງເອົາຫຼຽນຄໍາໄດ້ບໍ່ໜ້ອຍກວ່າ 3 ຫຼຽນ
ດັ່ງທີ່ທ່ານ ໄດ້ສະແດງຄວາມໝັ້ນໃຈວ່າ:

ສະເພາະກິລາດອກປິກໄກ່ນີ້ ພວກເຮົາກຽມພ້ອມພໍສົມຄວນ ເປັນຕົ້ນຫຼະແມ່ນ ການກຽມນັກກິລາທີ່ຈະເຂົ້າແຂ່ງຂັນທັງເພດຍິງ, ເພດຊາຍ ແລະພ້ອມດຽວກັນ ນັ້ນພວກເຮົາກໍ່ຝືກຊ້ອມມາແລ້ວເປັນສ່ວນໃຫຍ່ ຈຶ່ງຄາດຄິດວ່າ ກໍສິພະຍາຍາມ ຕໍ່າສຸດກະສິບໍ່ໃຫ້ມັນຫຼຸດສາມຫຼຽນຄໍາ

 

Songrit Pongern

ທີມກິລາ ປັນຈະສີລັດ ຂອງລາວ

 

ແຕ່ຢ່າງໃດກໍຕາມ, ສໍາລັບໃນ
ການແຂ່ງຂັນກິລາແຫ່ງຊາດທັງ
8 ຄັ້ງທີ່ຜ່ານມາຊຶ່ງແຂວງຫຼວງ
ພະບາງເອງກໍເຄີຍເປັນເຈົ້າພາບ
ຈັດການແຂ່ງຂັນມາແລ້ວຄັ້່ງນຶ່ງ
ກໍຄືຄັ້ງທີ 5 ໃນປິ 1997 ນັ້ນ
ກໍປະກົດວ່າ ແຂວງຫຼວງພະບາງ
ບໍ່ເຄີຍໄດ້ເປັນເຈົ້າຫຼຽນຄໍາມາ
ກ່ອນເລີຍ. ເພາະວ່າສ່ວນໃຫຍ່
ແລ້ວ ຈະເປັນທັບນັກກິລາຈາກ
ນະຄອນຫຼວງວຽງຈັນ ທີ່ເປັນຝ່າຍຄອງຕໍາແໜ່ງເຈົ້າຫຼຽນຄໍາ ມາແລ້ວເຖິງ 6 ຄັ້ງ ສ່ວນອີກ 2 ຄັ້ງ ນັ້ນກໍເປັນການຄອງ ຕໍາແໜ່ງເຈົ້າຫຼຽນຄໍາໂດຍທັບນັກກິລາກະຊວງສຶກສາທິການ ແລະແຂວງຈໍາປາສັກຕາມລໍາດັບ.

ສ່ວນ​ກ່ຽວກັບການແຂ່ງຂັນກິລາຊີເກມຄັ້ງທີ 26 ຢູ່ປະເທດ ອິນໂດເນເຊຍ ລະຫວ່າງ ວັນທີ
11-22 ພະຈິກ 2011 ທີ່ຜ່ານມານັ້ນ ກໍ​ປະກົດ​ວ່າຄະນະນັກກິລາທີມຊາດລາວ ບໍ່ສາມາດ​
ບັນລຸ​ເປົ້າໝາຍ ທີ່​ວາງ​ເອົາ​ໄວ້ ຊຶ່ງ​ກໍ​ຄືໄດ້ຕັ້ງເປົ້າໝາຍທີ່ຈະຍາດໃຫ້ໄດ້ 10 ຫຼຽນຄໍາ ຫຼືລົດ
ລົງເຖິງ 23 ຫຼຽນຄໍາ ຈາກການແຂ່ງຂັນ ກິລາຊີເກມຄັ້ງທີ 25 ທີ່ລາວໄດ້ເປັນເຈົ້າພາບຈັດ
ການແຂ່ງຂັນໃນທ້າຍປີ 2009ນັ້ນ ກໍ​ປາກົດ​ວ່າ ​ໃນຊີເກມຄັ້ງທີ 26 ຄະນະນັກກິລາທີມຊາດ
ລາວຍາດ​ໄດ້​ຫລຽນຄໍາພຽງ​ແຕ່ 9 ຫລຽນ​ເທົ່າ​ນັ້ນ. ພ້ອມ​ກັນນັ້ນ ກໍຍາດ​ໄດ້​ 12 ຫລຽນ​ເງິນ
ກັບ 36 ຫລຽນທອງ​ແດງ. ​ແລະ​ກໍ​ເຮັດ​ໃຫ້​ລາວ​ໄດ້​ອັນ​ດັບ​ທີ 8 ຈາກ 11 ປະ​ເທດ ທີ່​ເຂົ້າ
ຮ່ວມການ​ແຂ່ງ​ຂັນດັ່ງກ່າວ.

ສ່ວນກິລາບານເຕະທີມຊາຍທີ່ລາວເຄີຍໄດ້ອັນດັບທີ່ 4 ໃນການແຂ່ງຂັນກິລາຊີເກມຄັ້ງທີ່ 25 ທີ່ລາວໄດ້ເປັນເຈົ້າພາບຈັດການແຂ່ງຂັນນັ້ນກໍປະກົດວ່າຕ້ອງລອບທໍາອິດຂອງການແຂ່ງຂັນ
ໃນຊີເກມຄັ້ງລ່າສຸດນີ້ ຊຶ່ງກໍເຮັດໃຫ້ທາງການລາວບໍ່ສາມາດທີ່ຈະບັນລຸເປົ້າໝາຍທີ່ ຈະພະຍາ
ຍາມຮັກສາອັນດັບທີ່ 4 ໃຫ້ໄດ້ໃນການແຂ່ງຂັນຄັ້ງນີ້ອີກ​ດ້ວ​ຍ​ເຊ່ນ​ກັນ.

 

Songrit Pongern

ກິລາເຕະກະຕໍ້ຊາຍຂອງລາວ

 

ນອກຈາກນີ້ ຖ້າຫາກພິຈາລະ
ນາຈາກຫຼຽນລາງວັນລວມດ້ວຍ
ແລ້ວ ກໍປະກົດວ່າຄະນະນັກກິ
ລາທີມຊາດລາວມີຫຼຽນລາງວັນ
ລວມຫ່າງອິນໂດເນເຊຍ ທີ່ເປັນ
ເຈົ້າພາບ ແລະເຈົ້າຫຼຽນຄໍາໃນ
ການແຂ່ງຂັນຊີເກມຄັ້ງຫລ່າ
ສຸດນີ້ຈໍານວນເຖິງ 421 ຫຼຽນ
ເພາະວ່າ ຄະນະນັກກິລາທີມ
ຊາດອິນໂດເນເຊຍ ສາມາດຍາດ
ໄດ້ເຖິງ 182 ຫຼຽນຄໍາ, 151
ຫຼຽນເງິນ ແລະ 145 ຫຼຽນທອງ
ແດງນັ້ນເອງ.ອ

ສໍາລັບນັກກິລາທີມຊາດໄທແຊມຄັ້ງທີ່ແລ້ວນັ້ນກໍໄດ້ອັນດັບທີ່ 2 ຕິດຕາມດ້ວຍຫວຽດນາມ, ມາເລເຊຍ, ສິງກະໂປ, ຟິລິບປິນ, ມຽນມ້າ, ລາວ, ກໍາປູເຈຍ, ຕິມໍຕະເວັນອອກ ແລະ ບຣູໄນຕາມລໍາດັບ.

ແຕ່ຢ່າງໃດກໍຕາມ ການແຂ່ງຂັນກິລາຊີເກມຄັ້ງທີ່ 26 ນີ້ກໍຖືກສື່ມວນຊົນທັງໃນປະເທດ
ມາເລເຊຍ ສິງກະໂປ, ຟິລິບປິນ ແລະໄທ ວິພາກວິຈານວ່າອິນໂດເນເຊຍຊຶ່ງເປັນເຈົ້າ ພາບນັ້ນຈັດການແຂ່ງຂັນບໍ່ໄດ້ມາດຕະຖານສາກົນ.

ຂ່າວທີ່ກ່ຽວຂ້ອງກັນ

ລາວຕັ້ງເປົ້າໝາຍ ຈະຍາດເອົາ ຫລຽນຄໍາໃຫ້ໄດ້ 10 ຫລຽນ ໃນຊີເກມ ຄັ້ງທີ 26 ນີ້

ລາວຕັ້ງເປົ້າໝາຍວ່າຈະຍາດເອົາຫຼຽນຄໍາໃຫ້ໄດ້ 10 ຫຼຽນ ໃນການແຂ່ງຂັນກິລາຊີເກມຄັ້ງທີ 26 ຢູ່ອິນໂດເນເຊຍ. ສ່ວນທີມບານເຕະກໍຈະຮັກສາອັນດັບທີ 4 ໃຫ້ໄດ້.

ເມືອງຫຼວງພະບາງ(ເມືອງມໍລະດົກໂລກ)

ເມືອງຫຼວງພະບາງ

ຈາກ ວິກິພີເດຍ
Luangphabang okt98.jpg

Karte luang prabang laos.png

ເມືອງຫຼວງພະບາງ ແມ່ນເມືອງເອກຂອງແຂວງຫຼວງພະບາງ ຢູ່ທາງພາກເໜືອຂອງປະເທດ ຕັ້ງຢູ່ຮິມນ້ຳຂອງແລະນ້ຳຄານ ເຊິ່ງໄຫຼມາບັນຈົບກັນ ເປັນເມືອງທີ່ອົງການຍູເນສໂກ ໄດ້ຍົກຍ່ອງໃຫເປັນມໍລະດົກໂລກດ້ວຍ

ປະຫວັດສາດ

ເມືອງຫຼວງພະບາງມີໃນອະດີດແມ່ນ ລາຊະທານີ ທີ່ຮຸ່ງເຮືອງແລະເຟື່ອງຟູທີ່ສຸດຂອງອານາຈັກລ້ານຊ້າງ ທີ່ມີ ນາມວ່າ ກຸງສີສັດຕະນາຄະນະຫຸຕ ນັບໄດ້ວ່າເມືອງຫຼວງພະບາງ ແມ່ນ ເມືອງທີ່ງົດງາມ ໃນສິນລະປະຂອງສະຖາປັດຕະຍະກຳ ວັດທະນະທຳ ປະເພນີ ລະ ຂະຫນົບທຳນຽມ ໃນການດຳລົງຊີວິດຫລາຍ ຈຶ່ງເຮັດໃຫ້ອົງການ ຢູເນສໂກ ໄດ້ຂຶ້ນທະບຽນໃຫ້ັເປັນ ມໍລະດົກໂລກທາງວັດທະນະທຳຂອງມວນມະນຸດຊາດ ຕັ້ງແຕ່ ປີ ພ.ສ.໒໕໑໐ ປັດຈຸບັນແຂວງຫຼວງພະບາງ ປະກອບດ້ວຍ ໑໐ ເມືອງ

 ພູມປະເທດ

ເມືອງຫຼວງພະບາງ ຕັ້ງຢູ່ທາງທິດເຫນືອຂອງສາທາລະນະລັດປະຊາທິປະໄຕ ປະຊາຊົນລາວ ແຄມຝັ່ງແມ່ນ້ຳໂຂງ ຫ່າງຈາກເມືອງວຽງຈັນ ເປັນ ໄລຍະທາງ ໔໒໐ ກ.ມ. ອ້ອມຮອດດ້ວຍພູ ບ່ອນທີ່ແມ່ນ້ຳຂອງ ແລະ ແມ່ນ້ຳຄານໄຫລມາ ຈອດກັນພໍດີ

 ມໍລະດົກໂລກ

ວັດຊຽງທອງ ຕົວຢ່າງສະຖາປັດຕະຍະກຳລ້ານຊ້າງ ຢູ່ ເມືອງຫຼວງພະບາງ

ເມືອງຫຼວງພະບາງ

ຫຼວງພະບາງໄດ້ຮັບການຂຶ້ນທະບຽນໃຫ້ເປັນມໍລະດົກໂລກດ້ວຍເຫດຜົນ ແມ່ນ ມີວັດອາຮາມເກົ່າແກ່ຫຼາຍ ມີບ້ານເຮືອນອັນເປັນເອກກະລັກໂດດເດັ່ນ ຕົວເມືອງຕັ້ງຢູ່ຮິມນ້ຳຂອງແລະນ້ຳຄານ ເຊີ່ງໄຫຼມາບັນຈົບກັນທ່າມກາງທຳມະຊາດອັນງົດງາມ ແລະ ຊາວຫຼວງພະບາງມີບຸກຄະລິກທີ່ຍິ້ມແຍ້ມແຈ່ມໃສ ເປັນມິດ ມີຂະໜົບທຳນຽມປະເພນີທີ່ງົດງາມ

ໃນຂະໜະທີ່ມໍລະດົກໂລກແຫ່ງອື່ນອາດໄດ້ຂຶ້ນທະບຽນຢ່າງຈຳເພາະເຈາະຈົງໃນໂບລານສະຖານ ທຳມະຊາດ ແຕ່ຫຼວງພະບາງທັ້ງເມືອງໄດ້ຮັບການຂຶ້ນທະບຽນໃຫ້ເປັນມໍລະດົກໂລກ ເມື່ອເດືອນທັນວາ ພ.ສ. 2538 ແລະຍັງໄດ້ຮັບການຍົກຍ່ອງວ່າເປັນເມືອງທີ່ໄດ້ຮັບການປົກປ້ອງຮັກສາດີທີ່ສຸດໃນອາຊີຕະເວັນອອກສຽງໃຕ້

 ເບິ່ງຕື່ມ

ສະບາຍດີຫຼວງພະບາງ ເມືອງມໍລະດົກໂລກຂອງຊາວລາວທັງປະເທດ. ເຮົາເອງເປັນນັກສະຖາປະນິກມີຊື່ວ່າ ດ.ຣ ວຽງສະຫວັນ ພິມມະສອນ

 ແຫຼ່ງຂໍ້ມູນອື່ນ

Follow

Get every new post delivered to your Inbox.